5G teknologiak eskualderik
aurreratuenen artean kokatuko du Euskadi,
baita bertako enpresak
eta teknologia-zentroak ere
Euskadirako proiektua
Euskadiko eta
Euskadirako proiektua
Egin bat proiektuarekin! Proiektu interesgarri bat duzu?
Izan nahi duzu ekosistemaren parte?
19 Kideak eta Kolaboratzaileak Iniciativa compuesta por 13 empresas,
organismos públicos, privados,
para desplegar y habilitar
una red 5G en Euskadi

Kideak eta kolaboratzaileak

Erabilera-kasuak

Iraupen-hilabeteak

Inbertsioak, M €-tan

Diru-laguntza, M €-tan

Euskadirako 5G proiektua 13 enpresak eta erakunde publikok eta pribatuk osatutako baterako ekimen bat da, zeinaren helburua baita Euskadiko hiru parke teknologikoetan (Gipuzkoa, Bizkaia, Araba) 5G sare bat zabaltzea eta gaitzea. Horretarakoxe bideratuko du, hain justu, aurrekontuaren % 65. Bestalde, bederatzi erabilera-kasu garatuko dira, eta haiexek osatuko dute inbertsio osoa.

Zehazki, erabilera-kasu horiek produktu eta zerbitzu jakin batzuk merkaturatu aurretik garatzera bideratuta daude, mugikortasunaren, energiaren, industriaren, zibersegurtasunaren eta sareko zerbitzuen arloetan. Horretarako, azken belaunaldiko 5G teknologiarekin egingo dira saioak: Edge Computing, Network Slicing eta sarearen birtualizazioa, eta 5Gak hainbat alorretan eskaintzen dituen aukerak probatuko dira, hala nola abiaduran (4G baino 20 aldiz azkarragoa), latentzian (4G baino 100 aldiz latentzia gutxiago) eta IoT masiboan (km2 bakoitzeko konektatutako gailuen kopurua 100 aldiz biderkatzen da, 4Garekin alderatuta).

Ekonomia Gaietarako eta Eraldaketa Digitalerako Ministerioko Red.es erakundeak onartutako proiektuak 30 hilabete iraungo du, eta 7,1 milioi euroko inbertsioa izango da. Hori horrela, Red.es erakundeak 2,2 milioiko diru-laguntza ematen du proiektuotarako, eta Eskualde Garapeneko Europako Funtsarekin batera finantzatzen da, Espainiako Hainbat Eskualdetako Programa Operatiboaren kontura.

Ezarpen Piloturako Bulegoaren helburuak

“Euskadirako 5G proiektua” gauzatzeko eta ebaluatzeko koordinazioa
Deialdiaren xedapenak (legezkoak, ekonomikoak) eta aplikatzen diren gainerako erregelamenduak betetzen direla ziurtatzea
“Euskadirako 5G proiektua” Estatuko Administrazioaren eta beste erakunde batzuen aurrean ordezkatzea

Operadoreak

  Backhaul eta backbone zuntz-azpiegituren ekarpena
   Sarbide-sarearen ekarpena / RAN eta Tx
   4G eta 5G espektroen ekarpena
   Erabilera teknikoko kasuen garapena eta ebaluazioa (OMV, FWA, 5G sarearen hedapena sektore elektrikoan)

Eragileak eta kolaboratzaileak

Ebaluatu beharreko 5G teknologiaren hiru gaitasunei lotutako merkataritza-erabilerako kasuen garapena eta ebaluazioa:

Enpresak
Teknologia-zentroak
Unibertsitateak
Ezarpen Bulegoa (PMO)
Erakundeak
Erakundeen babesa

Planteatutako helburuei egindako ekarpena

“Euskadirako 5G proiektuak” nabarmen laguntzen du deialdian planteatutako helburuetan, eta, bereziki, ECE/1016/2018 Ministro Aginduaren 1. artikuluan ezarritako xedeetan.

  • 1. helburua

    5G sarearen hedapenak probatzea, haien parametro teknikoei buruzko ezagutza emanez, bai eta maiztasun-banden erabilera eta aukerei, lortutako estaldurari, sarearen konfigurazioei eta zerbitzuei buruzko esperientziak gauzatuz ere.

  • 2. helburua

    5G teknologiak ahalbidetzen dituen sare-kudeaketako teknikekin probatzea, hala nola sarea birtualizatzea, edge computing-a, sare-zerbitzuen esleipen dinamikoa edo network slicing-a.

  • 3. helburua

    Erabilera-kasuak garatzea, agente guztien inplikazioarekin, erabiltzaileak barne, 5G teknologiak emandako hiru hobekuntza handiak egiaztatzeko aukera ematen duten aldetik; hau da, abiadura eta gaitasun oso handiko banda zabal mugikorra, komunikazio ultra fidagarriak eta latentzia txikikoak, eta makinaz makinako komunikazio masiboak.

Proiektua Euskadiko teknologia-parkeen hiru egoitzetan garatuko da, baita Abadiñoko Gestamp lantegian ere

EUSKADIKO PROIEKTUA
EUSKADIKO ETA EUSKADIRAKO PROIEKTUAK

Esperientzia honen bidez, teknologia berri honen garapenean aurreratuen dauden eskualdeen artean kokatuko dira bai Euskadi, bai Euskadiko enpresa-ingurunea eta teknologia-zentroak. Hori horrela, 5G-a teknologia- eta merkataritza-heldutasunera iristen denean, prest egongo da zerbitzuak behar bezala emateko, eta ahalik eta gehien aprobetxatuko ditu teknologia berriaren aukerak. Teknologia berri hori funtsezkoa izango da hurrengo hamarkadan, herrialde aurreratuetan gizartearen eta ekonomiaren eraldaketa digitala lortzeko bidean.

Garatutako azpiegiturak bestelako proiektu gehiago bultzatuko ditu, zeinek teknologia hori baliatu ahalko baitute etorkizunean, Eusko Jaurlaritzaren 5G proiektuei laguntzeko programen esparruan. Azpiegitura hori Euskadi eskualde berritzaile gisa sendotzeko eta Europako digitalizazioaren eragile gisa izateko ardatz estrategikoaren ernamuina izango da. Europako Batzordeak dagoeneko nabarmendu du apustu hori, berrikuntza digitaleko hub-ak sortzeko beharra adieraztearekin bat, eta Euskadi ipini du adibide gisa. Arlo horretan, Euskadirako 5G proiektuak ekoizpen-prozesu efizienteetarako trantsizioan ez ezik 4.0 soluzio teknologikoetarantz, enpresa guztien automatizaziorantz eta zibersegurtasunerantz egiten ere lagunduko du, bazterketarik gabe. Finean, Euskadiren eraldaketa digital erreal eta jasangarria lortzen.

Egin bat proiektuarekin!

Proiektu interesgarri bat baduzu eta gure ekosistemarekin bat egin nahi baduzu hori frogatzeko, bete formularioa eskatutako datuekin.
Zure proposamena parametro hauen arabera balioetsiko dugu:
  • 5G teknologiak ematen dituen ahalmenen erabilera, proposatutako erabileraren kasuan abiadura eta gaitasun oso handiko banda zabal mugikorra oinarri hartuta (Enhanced Mobile Broadband, eMBB)-Komunikazio ultra fidagarriak eta latentzia txikikoak (Ultra-Reliable and Low Latency Communications, URLLC)-Makinaz makinako komunikazio masiboak (Massive Machine Type Communications, mMTC).
  • Berrikuntza, ideiaren argitasuna eta koherentzia: hainbat alderdi ebaluatuko dira, hala nola berritasuna, konpondu beharreko arazoaren definizioa, proposamenaren aplikagarritasun komertziala, bezeroari/gizarteari ematen dion balioa eta, hala dagokionean, ingurumen-inpaktua.
  • Martxan ipintzeak duen bideragarritasun praktikoa eta negozio-plana: Negozio-plana proiektuaren azpiegituraren gaitasunekin lerrokatzea. Ingurune teknikoaren eta bezeroaren eskuragarritasuna, hura ezartzea errazteko baldintza egokiak bermatzea
  • Proiektuaren aurkezpena eta defentsa arrazoitua

Red.es erakundeak onetsitako eta Eskualde Garapeneko Europako Funtsarekin batera finantzatutako proiektua, Espainiako Hainbat Eskualdetako Programa Operatiboaren kontura.

“Euskadirako 5G proiektuak” Eusko Jaurlaritzako Ekonomiaren Garapen, Jasangarritasun eta Ingurumen Sailaren laguntza erabakigarria du