5G teknologia ezartzeak
komunikatzeko modua aldatuko digu.
5G teknologia eta
etorkizuneko komunikazioak
5G teknologia eta
etorkizuneko komunikazioak
5G teknologia ezartzeak
komunikatzeko modua aldatuko digu.
5G teknologia eta
etorkizuneko komunikazioak
5G teknologia ezartzeak
komunikatzeko modua aldatuko digu.

Nola funtzionatzen du?

Teknologia berri bat hedatuko da, maiztasun-esleipen berri baten gainean, zeina oraindik ere ezarpen-fasean baitago operadoreen aldetik.

Une honetan, 5G NSA (non stand-alone) da zabaldutako azpiegitura, baina litekeena da laster 5G SA (stand-alone) estaldura izatea. Horien arteko aldea da NSA estandarrean gaur egungo 4G azpiegitura baliatzen dela; horrela, sarearen nukleoa mantendu egiten da, eta irrati-interfazearen zatiak bakarrik eboluzionatzen du, zeina 5G NR (new radio) izatera igarotzen baita, Gbps-en ordenako datu-tasak eskaintzea ahalbidetuz. SA estandarrean, berriz, azpiegitura guztia belaunaldi berrikoa da, bai irrati-interfazearen zatia, bai sarearen nukleoaren zatia; era berean, Gbps-en araberako datu-tasaren igoera mantentzen da jaitsiera- eta igoera-kanaletarako, latentzia-balioak ms bateraino jaisten dira eta gailuen konexio-gaitasunak, ostera, areagotu egiten dira (milioi bat ere bai kilometro koadroko).

Zer abantaila eskaintzen dizkie erabiltzaileei?

Belaunaldiko sare mugikorraren ezarpenak komunikatzeko modua aldatuko du, eta biderkatu egingo du informazio-autobideen ahalmena; hala, eguneroko objektuak denbora errealean konektatzeko aukera emango du, dela gurekin, dela beren artean (hasi hozkailutik eta automobiletaraino).

Abiadura
Ahalmena
Segurtasuna
Latentzia ultrabaxua
Energia-efizientzia
Banda-zabalera egungo teknologiarena baino 100 aldiz handiagoa izango da
Internet bidez denbora errealean ikusi ahal izango dugu bideo bat 8 K-tan, etenik gabe, edo segundo batzuetan deskargatu ahalko dugu film bat. 5G-ak segundoko gigabit bat baino gehiagoko abiaduretan nabigatzeko aukera emango du, kontuan hartzen den espektro kopuruaren arabera, eta, horri esker, egungo zuntzak eskaintzen duen abiadura berdindu edo gainditu ahal izango da.
Latentzia edo sarearen erantzun-denbora
Aurrerapen nabarmena izango du, 5 milisegundo baino gutxiagora igaroko baita. Aproposa da hainbat aplikaziotarako: telemedikuntza (zerbitzu mediko ugari urrunetik eskaini ahalko baitira), sareko jokoak edo ibilgailu autonomo baten erantzun-denbora minimizatzeko erraztasunak ematen dira urrunetik, bidaiarien zein oinezkoen segurtasuna hobetzeko.
Konkurrentzia-gaitasun handiagoa aldi berean konektatutako gailuei dagokienez
Haririk gabeko komunikazioaren fidagarritasuna handitzen denez, zerbitzu aukera handiagoa eta erabilgarriagoa. Hori guztia gailuetan energia gutxiago kontsumituz, baterien iraupena eta iraunkortasuna areagotuko baitira.

ZTE 5G sarearen azpiegitura munduan

5G-a eta osasuna

Irrati-maiztasunen eta Osasunaren Aholku Batzorde Zientifikoak (CCARS) “Irrati-maiztasunei eta osasunari buruzko txostena” aurkeztu du. Agiri hori Telekomunikazioetako Ingeniarien Elkargo Ofizialak argitaratu du, ponentzia birtual baten bidez.
Txosten horrek hiru urteko datuak (2016tik 2019ra bitartekoak; aurrekoa 2013tik 2016ra artekoa zen) eta metaazterlanak biltzen ditu, eta ondorioztatzen du ez 5G-ari ezin dakiokeela egotzi “pertsonen osasunerako arrisku-ebidentziarik”.
Hala ere, iritzi publikoa askotan kutsatu egiten da, gezur eta albiste faltsu izugarri agertzen baitira, ebidentziarekin gatazkan eta herritarrak nahastuz. Aurten, Irrati-maiztasunen eta Osasunaren Aholku Batzorde Zientifikoak zientzia-dibulgazioaren garrantzia jarri zuen mahai gainean, baita ezagutza zientifikoa herritar guztien eskura ipintzeko premia ere. Erronka nabaria.

Iturria: Orange operadorearen bloga.